Reels aur Shorts mein captions kahan rakhein
Editor mein sab sahi lagta hai, post karte hi caption username ke neeche chhup jaata hai. Meta aur Google ke apne numbers se samjho kahan rakhna hai.
Instagram aur YouTube apna interface aapki video ke upar draw karte hain: naam, description, audio line, like aur comment ke buttons. Editing ke time yeh dikhte nahi, isliye caption aksar unke neeche chala jaata hai.
Companies khud kya bolti hain
| Reels: upar | 14% |
| Reels: neeche | 35% |
| Reels: dono side | 6% |
| Shorts: upar | 10% |
| Shorts: neeche | 25% |
| Shorts: right side | 10% |
Source: Meta ads guide for Instagram Reels aur Google on YouTube Shorts ads.
Ek baat dhyan rakho: yeh numbers ads ke liye likhe gaye hain, aur ad mein ek extra button hota hai. Normal post pe neeche thodi kam jagah ghirti hai, par uska alag number humein kahin nahi mila. Isliye inhe safe side samjho, aapke phone ka exact measurement nahi.
Simple rule
- Ek hi clip dono jagah daalni hai toh Reels ke numbers follow karo, woh zyada tight hain
- Caption ko chest ke thoda upar rakho, chehre pe nahi
- Word chhota lage toh size badhao, caption neeche mat khiskao
- Shorts mein right side ka dhyan rakho, wahan buttons hote hain
Captik mein kaise karein
Naye project mein caption neeche ki taraf hota hai, jo in dono bands ke andar aata hai. Isliye preview pe Safe area button on karo aur caption ko upar drag karo. Ek baar rakh diya toh har line ke liye wahin rahega. Safe area sirf guide hai, export mein nahi aata.
Dusre editor mein kaam karte ho? Safe zone checker se apne frame pe check karo aur overlay PNG download karke timeline ke upar rakh lo. Kuch upload nahi hota.
Free to try, no card. Any video, any size.